CAVITE, Philippines – Dalawa katao ang kumpirmadong nasawi makaraang salpukin ng isang rumaragasang van ang isang tricycle habang bumabagtas sa kahabaan ng Aguinaldo highway, Bonifacio Drive, Brgy. Silang West Crossing, Tagaytay City kamakalawa ng umaga.
Kinilala ang mga biktima na sina Rogelio Estares, 66 anyos, electrician at Joseph Aguilar, 33 anyos.
Arestado naman ang driver na si Rommel Morales Sr., 41 at helper nitong si Tommy dela Cueva, 26 anyos.
Sa imbestigasyon ni PO2 Semdan Sitchon, may hawak ng kaso, dakong alas-8:20 ng umaga habang lulan ang mga biktima ng Kawasaki Barako 175 tricycle (DS9026) patungo sa silangang direksyon ng salpukin ng L300 Mitsubishi van (NID 670) na sinasakyan naman ng driver at helper nito.
Lumilitaw sa imbestigasÂyon na nag-overtake ang tricycle sa van na nagbunsod sa malagim na trahedya. Patuloy ang imbestigasyon ng pulisya sa kasong ito.