MANILA, Philippines - Natusta ang katawan ng 3-anyos na batang lalaki habang isa pa ang nasa kritikal na kondisyon matapos na masunog ang ilang kabahayan sa Brgy. Mamatid, Cabuyao City, Laguna kamakalawa ng umaga. Kinilala ang nasawi na si Prince Jeho Lemen habang nasa Ospital ng Cabuyao si Jason Lemen, 25. Sa ulat ni P/Senior Supt. Pascual Muñoz Jr., nagsimula ang apoy sa bahay ng pamilya Lemen sa Block 41, Lot 13, Phase 6, Mabuhay City. Lumilitaw naman sa imbestigasyon na overloading ‘ng kuryente ang sanhi ng sunog. Naapula naman ang sunog dakong alas-7:30 ng umaga kung saan aabot sa P.4 milyong halaga ng ari-arian ang naabo.