LUCENA CITY, Quezon, Philippines – Napatay ang 23-anyos na mister na nanghiram ng bisikleta matapos itong saksakin ng kanyang kaibigan kamakalawa ng gabi sa PNR Compound, Barangay Cotta, Lucena City, Quezon. Hindi na umabot ng buhay sa Quezon Medical Center
ang biktimang si Reynald de los Santos ng Purok Bagong Masagana habang tugis naman ng pulisya ang suspek na si Cesar Talaga, 47, kawani ng QMWD at nakatira sa Tangke District sa nasabing barangay. Sa imbestigasyon nina SPO1 Aldrin Andres, isinauli ng biktima ang
mountain bike na hiniram nito sa suspek subalit napuna ito na may sira. Kinumpronta ng suspek ang biktima subalit sa halip na magpakumbaba ay nakipagtalo pa ito kaya sa inis ng una ay inundayan ng sunud-sunod na saksak ang kaibigan.