TUGUEGARAO CITY, Philippines - Nakahanda na ang sanlibong kapulisan at kagawad ng barangay police force sa pagpapatupad ng seguridad sa gaganaping kauna-unahang palaro ng Cordillera Administrative Region Athletic Association (CARAA) sa bayan ng Luna, Apayao sa Pebrero 27. Sinabi ni Apayao PNP Director P/Senior Supt. Albertlito Garcia, sa unang pagkakataon ay magiging punong abala ang probinsiya mula nang maitatag ito noong Valentine’s Day (Peb.14,1995). Ayon kay Garcia, nakahanda na ang security details sa pagbabantay ng may 5,000 delegasyon ng manlalaro mula sa Apayao at mga lalawigan ng Abra, Benguet, Kalinga, Ifugao, Mt Province at ng Baguio City.