RIZAL, Philippines — Limang mangÂgagawa ang iniulat na nasawi habang labindalawang iba pa ang malubhang naÂsugatan makaraang mabagsakan ng scaffolding sa coal power plant sa BaÂrangay Malaya sa bayan ng PilillaÂ, Rizal noong Linggo ng hapon.
Kabilang sa mga naÂmaÂtay ay sina Eduardo Fidel, Gregorio Ricalde, Jeffrey Sinag, Antonio Manguerra, at si Roberto Mesias na pawang tauhan ng East West Corp. na kinontrata ng SPC Malaya Power Corporation.
Samantala, nanatili naman sa Tanay General HosÂpital ang mga sugatang sina Benedicto Batain, Rogelio Carigma, Tereso Esguerra at si Golberto Rodriguez habang ang iba pang suÂgatan ay nailabas na sa ospital.
Sa inisyal na ulat na nakarating kay P/Senior Supt. Rolando Anduyan, Rizal PNP director, naganap ang insidente dakong alas-3 ng hapon sa nasabing planta ng kuryente.
Nabatid na magkakaÂtuwang na nililinis ng mga trabahador ang 70 talampakang taas na labasan ng usok (smokestack) ng planta nang bumigay ang tinatapakan nilang bakal na scaffoldings.
Dahil sa 70 talampakang taas ng scaffolding, nagtamo ng iba’t ibang pinsala sa katawan ang mga manggagawa na nadaganan pa nang bumagsak sa kanila ang mabigat na salansan na bakal.
Tiniyak naman ng pamunuan ng planta na babayaran nila ang gastusin ng mga biktimang isinugod sa nasabing ospital habang magbibigay din ng tulong pinansyal sa mga naiwang pamilya ng mga nasawi.
Pansamantalang itinigil ng planta ang kanilang opeÂrasyon habang patuloy ang imbestigasyon. DagÂdag ulat ng Phil. Star News Service