Tuguegarao City , Philippines - Nasa state of shock ngayon ang isang 9 anyos na batang laÂlaki matapos magpatiwakal sa kaniyang harapan ang lasing na ama na pinaputok ang shotgun sa kaniyang bibig sa bayan ng Vintar, Ilocos Norte kamakalawa.
Kinilala ang biktima na si Efren Butac, agad na nasawi sa tinamong tama ng bala ng 12 gauge shotgun sa kaniyang bibig na sumabog pa ang ulo sa insidente.
Isinugod naman sa ospital ang batang si Edmund na tinamaan ng shrapnel sa kanang balikat.
Sa inisyal na ulat ng Ilocos Norte Police, laÂsing na umuwi si Efren bandang alas-4 ng hapon at tinawag pa ang anak na si Edmund.
Laking gulat naman ng bata ng biglang kalabitin ni Efren ang shotgun na isinubo pa nito sa kaniyang bunganga bunsod upang sumabog ang ulo ng lasing na ama.
Nabatid na bago ang insidente ay nagkaroon ng mainitang pagtatalo sa pagitan ng biktima at ng kaniyang hipag.
Pinaniniwalaan namang matinding problema sa pamilya ang motibo ng pagpapatiwakal ng nasabing biktima.