Pulis nilikida sa kantahan

TUGUEGARAO CITY, Philippines - Napaslang ang 28-anyos na pulis matapos barilin sa ulo ng sniper habang naghahandog ng awitin para sa kanyang mga kainuman sa Barangay Sta. Catalina sa bayan ng Pasiquin, Ilocos Norte noong Martes ng gabi.

Kinilala ang biktima na si PO1 John Calpito, nakatira  sa nasabing barangay at miyembro Eastern Police District. Sa imbestigasyon ng pulisya, isa sa mga bisitang inanyayahan ang biktima ni Barangay Kagawad Meliton Bagaoisan sa kanyang kaarawan at pabinyag.

Nabatid na habang kumakanta ang biktima sa harap ng videoke at umiindak ang kanyang mga kainuman ay umalingawngaw ang malakas na putok sa hindi malamang pinanggalingan at nakita na lamang na lumagapak ang biktima sa sahig na duguan ang ulo.