MANILA, Philippines - Tatlo-katao ang iniulat na nasawi matapos na tambangan ng mga armadong kalalakihan sa kahabaan ng Quirino highway sa Barangay Sta. Monica, Tagkawayan, Quezon kahapon ng umaga. Kinilala ni P/Chief Inspector William Angway, hepe ng Tagkawayan PNP ang mga napatay na sina Jamela Custodio ng Muntinlupa City; driver ng sasakyan na si Melvin Marquez ng Candelaria, Quezon. Samantala, namatay naman sa ospital ang pangatlong biktima na si Jasmine Pablo ng Sta. Rosa City, Laguna. Sa imbestigasyon, bandang alas- 8 ng umaga habang lulan ng sasakyan ang mga biktima nang ratratin ng mga aramadong kalalakihan.