PRO-7 gibutang sa heightened alert samtang nagkaduol ang eleksyon

CEBU, Philippines — Gibutang sa heightened alert ang Police Regional Office(PRO)-7 sukad niadtong Dominggo, Marso 9, 2025 sanglit nagkaduol na ang National ug Local Election nga mahitabo karong Mayo 12, 2025.

Si Police Regional Office (PRO)-7 Director Brigadier General Redrico Maranan miingon nga nasunod nila ang calender of events nga gihatag sa COMELEC sa mga pagpangandam sa umaabot nga eleksyon.

Gipahibawo sab niini nga base sa record sa ilang Crime Information, Reporting and Analysis System (CIRAS) nikunhod ang krimen sa Central Visayas.

Apil sa gitutokan karon sa PRO-7 ang vote buying mao nga nilusad sila og

Gani ang COMELEC nilusad man og programa aron mapakgang kini nga gitawag og Kontra Bigay batok vote buying.

Hugot sab nilang bantayan ang Probinsiya sa Negros Oriental kay munisipyo ug component cities niini gikonsiderar nga Election Areas of Concern tungod sa kahigpit sa panagribal sa mga magkaatbang ug presensiya sa insurhensiya. 

Duha sab ka lugar sa Bohol ang nabutang isip Election Areas of Concern samtang ang Cebu naa sa green category. Hinoon wala pay mga election related incidents nga nahitabo sa rehiyon. (BANAT NEWS)