‘Coconut’, pampaganda rin?

Last Part

Mabuti sa balat – Magandang gamitin ang coconut oil bilang pangmasahe sa buong katawan. Epektibo ito bilang moisturizer sa lahat ng uri ng balat lalo na ang dry skin. Kahalintulad ang epekto ng coconut oil sa  mga mineral oil na medyo may kamahalan ang presyo. Pinipigilan rin nito ang pagkakaroon ng wrinkles o kulubot sa mukha dulot ng pagtanda. Nakakatulong din ito para magamot ang eczema, psoriasis, dermatitis at iba pang skin infection. Dahil dito, kasama ang coconut oil sa mga sangkap sa paggawa ng lotion at pamahid sa mukha.

Tumutulong sa pagtunaw ng pagkain – Ang coconut oil ay mabuti para magkaroon ka ng maayos na digestive system kaya napipigilan nito ang pagkakaroon ng problema sa tiyan gaya ng irritable bowel syndrome. Ang saturated oil ng coconut oil ay may taglay na antimicrobial properties kaya pumapatay din ito ng bacteria, fungi at mga parasites sa tiyan. Natutulungan rin ng coconut oil ang iyong tiyan na mag-absorb ng nutrients, vitamins, minerals at amino acids para magkaroon ng maayos na kalusugan.