Marian, abala sa pagpapalusog!

Hindi lang idolo sa pag-arte at pagiging mabuting ina at asawa ang hatid na inspirasyon ni Marian Rivera na milyon niyang followers sa Instagram at Facebook.

Todo alaga rin si Yan sa kanyang kalusugan at ipinakita niya sa IG ang Pilates workout niya, huh!

Siyempre pa, kailangan ding alagaan ni Yan ang kalusugan lalo na’t dalawa ang anak nila ni Dong (Dingdong Dantes) na magkaiba ang hilig, huh!

Hands-on si Yan sa dalawang anak dahil siya ang madalas na kasama nila lalo na’t may mga trabaho daily si Dong.

Anyway, sa mga nagtatanong ng updates sa movie ni Marian na Balota, streaming na ito sa Netflix simula sa Jan. 31. Kaya naman ‘yung hindi pa nakakapanood nito eh heto na ang widely acclaimed and box office hit na Balota ni Queen Marian!

Miguel at Kokoy, lutang sa riles…

Good choice ang young guns ng GMA na lead cast ng Mga Batang Riles.

Sa panonood namin ng series, of course, outstanding sina Miguel Tanfelix at Kokoy de Santos na kapwa experienced na sa acting.

Of course, sumasabay rin sa kanila ang kasama nilang sina Raheel Bhyria, Bruce Roeland at ang baguhang si Antonio Vinzon na may future rin sa aktingan na mana sa ama niyang si Roi Vinzon.

Ang kaabang-abang ay ang dating That’s My Bae member na si Miggy Tolentino na si Jasper ang character.

Noon pa man eh alam naming may angking galing sa pag-arte si Miggy kaya aabangan namin ang big break sa Mga Batang Riles!

Ang Triple A ang namamahala sa career ni Miggy.