Anak ni Sen. Imee, ikakasal sa beauty queen

Masaya si Sen. Imee Marcos dahil engaged na ang kanyang bunsong anak at nakababatang kapatid ng panganay ng senadora, ang model at businessman na si Borgy Manotoc na si Ilocos Norte Gov. Matthew Manotoc sa kanyang girlfriend of six years, ang dating beauty queen, ang 2014 Miss Earth na si Jamie Herrell.

Mukhang wala pa rin sa immediate plans ni Borgy (41) ang pag-aasawa kaya mauunahan pa siya ng kanyang younger brother na si Matthew (36) who got engaged to Jamie sa pagpasok ng bagong taong 2025.

Pinasok ni Matthew ang pulitika nung 2016 nang siya’y tumakbo sa pagiging board member ng 2nd district ng Ilocos Sur. After one term ay tumakbo na siya sa pagka-gobernador ng Ilocos Norte, ang posisyon na kanyang inang si Sen. Imee na tumakbo naman sa pagka-senador. Now serving his second term bilang gobernador, muli siyang tatakbo sa ikatlong termino.

David, ‘di nakaligtas sa pang-ookray ni Vice!

Alam mo ba, Salve A., na magmula nang malaman ng BarDa fans nina Barbie Forteza at David Licauco na break na ang dalawa sa kanilang respective partners ay inulan ang social media, particulary ang Facebook ng sweet moment photos ng dalawa?

In a previous interview ay inamin noon ni David na ultimate crush umano niya si Barbie at ganoon na lamang ang saya ng kanyang puso kapag magkasama silang dalawa.

Kitang-kita actually sa mga titig ni David kay Barbie na meron itong pagtatangi sa ex-girlfriend ni Jak Roberto. Hindi nga lamang niya ito maipahayag sa dalaga pero kitang-kita ito sa expression ng kanyang mga mata sa tuwing tinititigan niya si Barbie.

Samantala, hindi nakaligtas si David sa panunukso sa kanya ni Vice Ganda nang mag-guest sa It’s Showtime recently ang actor.  Tinanong siya ni Vice kung single siya na agad naman niyang sinagot na single siya. “Kaya puwede mo nang ligawan ang leading lady mo,” panunukso pa ni Vice kay David na halos hindi makapagsalita.