Singer na nanghihinayang magbigay ng commi, banned na sa network!

Hinagupit na ng kanyang management ang magaling bumirit na female singer dahil sa pagbabalewala nito sa kontratang pinirmahan.

Kasi naman itong si singer, kaliwa’t kanan kung tumanggap ng shows, huh! Ok lang sana eh kaso, hindi pinadaraan ng singer sa kanyang management ang tinatanggap niyang shows!

Lagi raw itong ginagawa ng singer. Hindi pinapaalam sa management ang tinatanggap na shows!

Kaya hayun, banned na ang female singer sa shows ng kanyang network na ipinalalabas sa ibang channel, huh!

Naku, maraming ganyan sa showbiz na umiiwas madalas makaltasan ng komisyon!

Ate Vi, nilabas ang bagsik!

Nangangamoy back-to-back best actress award sa Metro Manila Film Festival si Vilma Santos-Recto dahil sa mabagsik niyang performance sa entry niyang Uninvited.

Ipinakita ni Ate Vi ang bagsik ng isang ina na biktima ng rape at violence ng isang mayaman at maimpluwensiyang tao na ginampanan ni Aga Muhlach.

Magagaling din ang lahat ng kasama ni Vilma sa movie gaya ni Nadine Lustre na hindi nagpakabog sa Star For All Seasons lalo na towards the end!

Congratulations din kay direk Dan Villegas na talaga namang susundan mo ang bawat galaw ng characters lalo na ni Ate Vi hanggang sa napagtagumpayan ang paghihiganti sa anak at iba pang biktima ni Aga at alipores niya!