Kathryn, Queen of all Queens na?!

Ang bilis ng announcement ng kampo nila Kathryn Bernardo nang muli nilang abutin ang one billion mark na kita sa pelikula ng Hello, Love, Goodbye na pangalawang tambalan nila ni Alden Richards.

Tinawag na nila si Kathryn na “Queen of All Queens” daw. 

Pero iyon ang panahon na mahigit nang tatlong daan ang bayad sa sinehan. Pero naagaw rin agad iyon sa kanya ni Marian Rivera sa pelikulang Rewind nang lampasan nang kaunti ng pelikula noon ang kita ni Kathryn.

Si Kathryn naman ay gumawa ng pelikula kasama si Dolly de Leon na A Very Good Girl na nalampasan ang P100 million mark sa loob lamang ng dalawang linggo.

Gumawa naman si Marian ng isang pelikula, hindi umabot ng isang bilyon pero nagtagal ng isang buwan sa sinehan. Discounted ang admission prices, pero low budget na indie lang iyon, galing Cinemalaya eh.

Iyong pelikula ngayon ni Kathyn high budget, nag-shooting pa sa Canada.

Queen of all Queens, pero naisip ba nila kung ano si Kathryn Bernardo mga 50 taon mula ngayon?

Paano ang record nina Vilma Santos o Nora Aunor?

Huwag magmadali, kasabihan nga ng mga Pinoy ang tumatakbo nang matulin, kung matinik ay malalim.

Pakinggan din ninyo ang turo ng Lola Nidora, “hintayin ang tamang panahon.”

Sunshine, mabenta sa DOM!

Noong nakaraang taon pa namin narinig ang mga “imbestigahan mong mabuti ang mahal mong kaibigan, maugong ang balita na syota raw iyan ni Atong Ang” na ang itsinitsismis ay ang aming kaibigang si Sunshine Cruz.

Pero hindi kami naniwala sa tsismis, imposible. Kilala namin si Sunshine, papatol iyan kung mai-in love siya sa lalaki. Hindi si Shine iyong papatol for convenience o kung ano mang ibang dahilan. Kung papatol sa ganyan, ilan na bang mga DOM (dirty old man) na walang asawa ha, at mayayaman talaga, ang nanligaw sa kanya. Ni isa wala siyang pinatos.

Ngayon ano ang lumalabas, nabaling na naman ang tsismis kay Gretchen Barretto na iniintriga rin kay Atong Ang.

Bayaan na ninyo iyan basta ang paniniwala ko hindi si Sunshine ang sangkot diyan, unless nag-iba na siya ng plano sa buhay.

Andres at Robbie, pinagtatapat!

May gumawa ng poll, sino raw kaya ang mas aangat, si Andres Muhlach ng TV5 o si Robbie Jaworski ng ABS-CBN.

Kung kami ang tatanungin, mas ma-gimmick ang mga bakla sa ABS-CBN kaya maraming pakulo ang mga iyan kay Robbie.
Mas conservative ang sistema ng TV5 pero talagang malakas ang dating ni Andres.