Female tv host na wagas ang kamalditahan, nilayasan ng assistant

Nilayasan umano ng kanyang personal assistant ang isang female host na aktibo pa rin sa trabahong ginagalawan.

Eh ayon sa source namin, kapag may hinahanap na damit ang host at hindi ito makita ng kanyang PA, nagagalit agad ang una at pinbabayaran ang damit hanggang hindi ito ipinapakita sa kanya na maayos, huh!

Ang isa pang ugali ng host, parang hindi nagugutom kahit oras nang kainan! Kaya nagtitiis ang assistant na kumakalam ang tyan dahil hindi pa kumakain ang female host!

So kung makita ang female host na walang kasamang assistant sa trabaho, alam na ninyo kung bakit wala nang umaalalay sa kanya!

Uninvited, may bardagulan

Hindi man maayos ang relasyon sa kanyang ama, chill lang si Nadine Lustre sa pag-atake sa character niya sa festival entry ng Mentorque na Uninvited.

Tatay ni Nadine sa movie si Aga Muhlach. Tumatak ang eksena niyang sunud-sunod na minura niya si Aga.

“Iba ‘yung pakiramdam na makaeksena ko si Kuya Aga. Hindi naman siya akward. Medyo natuwa ako at naitawid naming ang eksena. It’s triggering!” pahayag ni Nadine

Looks interesting ang Uninvited dahil bardagulan sa acting sina Vilma Santos, Aga, Nadine at iba pang magagaling na cast at magaling ang director ng movie na si Dan Villegas.