Eala dinaig ang World No. 25

MANILA, Philippines — Sinapawana ni Filipina tennis sensation Alex Eala si World No. 25 Jelena Ostapenko ng Latvia, 7-6, 7-5, sa kanyang ikalawang sunod na panalo sa Miami Open.

Ang 19-anyos na si Eala, ang World No. 140 ranked, ang unang WTA pla­yer mula sa Pilipinas na tumalo sa isang top 30 player.

Si Ostapenko ay dating Grand Slam champion ma­tapos magreyna sa French Open noong 2017.

Nagwagi rin ang Latvian sa 2024 US Open Doubles tournament katambal si Lyud­myla Kichenok ng Uk­raine.

Matapos ang panalo ay pumatak ang luha sa mga mata ni Eala.

Swak siya sa round of 32 kung saan niya makaka­tapat si World No. 5 American Madison Keys.

Nauna nang ginulat ng Pinay netter si Katie Volynets sa Round of 128 sa kan­yang kauna-unahang main draw win sa Miami Open.