PNVF tiniyak ang maayos na officiating sa world meet
MANILA, Philippines — Gustong tiyakin ng nag-oorganisang Philippine National Volleyball Federation (PNVF) ang maayos na pamamahala sa FIVB Volleyball Men’s World Championship Philippines 2025 sa Setyembre.
Kaya naman kasalukuyang sumasailalim ang 34 referees—kasama ang walong international refe-rees—sa isang five-day refresher course.
“We want to assure that proper officiating will be imposed during the matches with 32 of the world’s best teams competing in two venues,” ani PNVF president Ramon “Tats” Suzara.
Si FIVB Rules and Refereeing Commission president Guillermo Paredes ng Argentina ang Course Director at Primary Resource Speaker ng course na magtatapos sa Linggo sa Ninoy Aquino Stadium.
Idaraos ng PNVF ang FIVB MWCH sa Smart Araneta Coliseum at SM Mall of Asia Arena sa Setyembre 12 hanggang 28.
Binibigyang-diin sa course ang Rules of the Game, Modern Volleyball Use of Technology, FIVB Video Challenge Regulations, FOP/Court Inspection at Set-up, FIVB Match Protocols at Practical Refereeing Applications na may demonstration teams at Match Referees’ Evaluation.
- Latest
