Warriors dapa sa Jokic-less Nuggets
SAN FRANCISCO — Nagpasabog si Aaron Gordon ng season-best 38 points, habang nagtala si Russell Westbrook ng isang triple-double sa 114-105 pagsapaw ng Denver Nuggets sa Golden State Warriors.
Tumapos si Westbrook na may 12 points, season-high 16 assists at 12 rebounds para sa Nuggets na naglaro nang wala sina Nikola Jokic (bruised right elbow at left ankle impingement) at Jamal Murray (sprained right ankle).
Humakot si Jimmy Butler ang Warriors ng 23 points, 8 rebounds at 6 assists para sa Warriors na nagtapos ang seven-game winning streak.
Nagdagdag si Stephen Curry ng 20 points, habang hinirang si Draymond Green bilang sixth player sa Warriors franchise history na kumolekta ng 6,000 career rebounds.
Sa Los Angeles, bumanat si Austin Reaves ng 30 points at humakot si Luka Doncic ng 21 points, 14 assists at 9 rebounds sa 125-109 paggupo ng Lakers sa San Antonio Spurs.
Sa Phoenix, umiskor si Devin Booker ng 27 points sa 129-89 pagsunog ng Suns sa Toronto Raptors.
Sa Salt Lake City, nagposte si Coby White ng 26 points para banderahan ang Chicago Bulls sa 111--97 panalo sa Utah Jazz.
- Latest
