Gobyerno, pribadong sektor kapit-bisig para sa world meet

MANILA, Philippines —  Nagtuwang ang gob­yerno at ang pribadong sek­tor para sa pamamaha­la ng Pilipinas sa FIVB Volleyball Men’s World Championship 2025.

Sinimulan ng Local Organizing Committee Exe­cutive Board ang kanilang tra­baho sa pagdaraos ng comprehensive meeting sa Philippine National Volleyball Federation (PNVF) offices na magsisilbi ring headquarters para sa FIVB MWCH 2025 sa The BonifacioPrime sa Taguig City.

“We’re grateful for all the work that has been put in for the Philippines to be ready to host this ve­­ry exciting sports tou­rism event,” sabi kahapon ni Department of Tourism Sec­retary Christina Garcia Frasco, ang co-chairman ng LOC Executive Board ka­­sama sina Senator Alan Peter Cayetano at William Vincent Araneta Marcos, ang anak ni Pangulong Fer­dinand “Bongbong” Mar­cos, Jr.

Hahataw ang world meet sa Setyembre 12 hanggang 18.

Nakasama ni Frasco sa pulong sina sports patron Manuel V. Pangilinan, Philippine Olympic Committee president Abraham “Bambol” Tolentino, FIVB executive vice president at PNVF at Asian Volleyball Confederation president Ra­mon “Tats” Suzara, PNVF officials Tonyboy Liao at Dr. Arnel Hajan, Karl Chan, Charo Soriano at secretary-general Do­naldo Caringal at Philippine Sports Commission chairman Richard Bachmann.

“This is reminiscent of the preparations we made for the FIBA World Cup (2023) but this time it’s 32 countries, so double the number of the parti­cipating countries,” wika ni Pa­ngilinan, ang Chairman Emi­ritus ng Samahang Bas­ketbol ng Pilipinas.

Binuksan na rin ng PNVF ang kanilang pag­hahanda 244 araw bago su­malang ang 31 sa top volleyball countries kasama ang Alas Pilipinas Men.

“We’re moving forward with the preparations,” ani Suzara. “It’s a lot of work so we need all the support and help from all the stakehol­ders and sponsors.”

Samantala, pinamunuan ni Taguig City Mayor La­­ni Cayetano ang ribbon-cutting ceremony para sa PNVF/AVC headquarters.