JMF nangunguna sa BPC race
MANILA, Philippines — Hindi matinag si San Miguel Beer slotman June Mar Fajardo sa karera para sa Best Player of the Conference sa ginaganap na PBA Season 49 Commissioner’s Cup.
Solido ang inilalaro ni Fajardo para sa Beermen kaya’t hindi malayo na maabot nito ang inaasam na ika-12 BPC crown — ang pinakamaraming bilang ng naturang award sa kasaysayan ng liga.
Hawak ni Fajardo ang 44.8 statistical points mula sa impresibong averages na 19.8 points, 17.3 rebounds at 4.5 assists.
Kalaban ni Fajardo sa BPC race sina Arvin Tolentino ng NorthPort at Robert Bolick ng NLEX na pareho ring may magandang baraha.
Nakalikom na si Tolentino ng 40.8 statistical points kung saan nangunguna ito sa scoring department tangan ang average na 24.7 points.
Mayroon ding 8.0 rebounds, 3.3 assists, 1.0 steals at 1.1 blocks kada laro si Tolentino para makuha ang No, 2 spot sa BPC race.
Nasa ikatlong puwesto naman si Bolick na may 37.6sps.
Pasok sa ikaapat si Calvin Oftana ng TNT na may 34.3 SPs mula sa averages na 21.8 points, 7.3 rebounds at 2.0 assists habang ikalima naman si Jordan Heading na may 33 SPs mula sa averages na 17.1 points, 4.3 rebounds at 6.8 assists.
- Latest
