MANILA, Philippines — Pormal nang hinirang ng University of Perpetual Help System DALTA si Adrian Bequillo bilang bagong coach ng Altas para sa NCAA Season 100 men’s football tournament.
Iginiya ni Bequillo ang Perpetual Help Jonelta-Biñan team sa women’s at boy’s futsal titles sa NCAA South noong 2018.
Si Benquillo ay naglaro para sa Altas booters noong 2011 at 2012 sa ilalim ni coach Miguel Cajes.
“Our preparation, since my players are coming from different cultures, we are in the process of making adjustments for the system that I want for the team.” wika ni Bequillo.
“What I can promise to the Perpetual community is that we will give a good fight,” dagdag nito.
Iniimbitahan ni Bequillo ang ibang football teams at clubs na labanan ang kanyang Perpetual squad sa friendly matches sa Molino Field sa Las Piñas City.
Ang koponan ay suportado ng Perpetual Altas FC at Perpetual Altas High School Alumni (PAHA).
Nagkampeon ang Altas sa NCAA noong 1990 sa paggiya ni coach Rey Salonga, Barangay Councilor ngayon sa Pamplona III.
Nasundan ito ng Perpetual noong 1998 sa pamamahala ni Cajes.