Benilde didikit sa F4 bonus
MANILA, Philippines — Hahakbang ang College of St. Benilde palapit sa isa sa dalawang ‘twice-to-beat’ incentive sa Final Four sa pagharap sa Letran College sa second round ng NCAA Season 100 men’s basketball sa FilOil EcoOil Centre sa San Juan City.
Sasagupain ng Blazers ang Knights ngayong alas-2:30 ng hapon matapos ang banggaan ng Lyceum Pirates at Jose Rizal Heavy Bombers sa alas-12 ng tanghali.
Patuloy ang pagsosolo ng St. Benilde sa liderato hawak ang 12-2 baraha sa itaas ng Mapua (12-3), nagdedepensang San Beda (10-5), Emilio Aguinaldo College (7-8), Lyceum (7-8), Letran (7-8), Perpetual Help (6-10), Arellano (6-9), Jose Rizal (4-11) at San Sebastian (4-11).
Nasa six-game winning streak ang Blazers na huling biniktima ang Altas, 61-56, noong Oktubre 30.
“Gagawin ko lang ‘yung best ko kasi history ito, Season 100. Gusto kong makuha ‘yung championship. Tapos na ako doon sa Final Four eh,” ani Justine Sanchez.
- Latest
