DALLAS — Kumolekta si Luka Doncic ng 28 points, 10 rebounds at 8 assists habang may 22 markers si Klay Thompson sa kanyang Mavericks debut sa kanilang 120-109 paggupo sa San Antonio Spurs.
Nagdagdag si Kyrie Irving ng 15 points para sa defending Western Conference champions.
Ito ang unang laro ni Thompson, nagsalpak ng anim na three-point shots, para sa Dallas matapos layasan ang Golden State Warriors.
Umiskor ni Victor Wembanyama ng 17 points sa panig ng Spurs na nakahugot ng tig-18 markers kina Jeremy Sochan at Julian Champagnie.
Inilista ng Dallas an pinakamalaki nilang kalamangan sa 69-55 sa third quarter nang isalpak ni P.J. Washington Jr. ang triple mula sa blind pass ni Doncic.
Sa Washington, tumipa si Jaylen Brown ng 27 points kasunod ang 25 markers ni Jayson Tatum sa 122-102 paggiba ng nagdedepensang Boston Celtics sa Wizards.
Sa Denver, bumira si Shai Gilgeous-Alexander ng 28 points at may 25 markers si Chet Holmgren sa 102-87 pagdaig ng Oklahoma City Thunder sa Nuggets.
Kumolekta rin si Holmgren ng career-high 14 rebounds, 4 blocked shots at 2 steals para sa Thunder.
Sa Sacramento, humataw si Julius Randle ng 33 markers at may 32 points si Anthony Edwards sa 117-115 pagtakas ng Minnesota Timberwolves sa Kings.