MANILA, Philippines — Pumalo si Jennifer Delos Santos ng 10 points para akayin ang Ateneo de Manila University sa 25-12, 25-21, 25-12 panalo sa Emilio Aguinaldo College sa 2024 Shakey’s Super League Collegiate Pre-season Championship kahapon sa Rizal Memorial Coliseum kahapon.
Inilista ng Lady Eagles ang 3-1 karta upang puwestuhan ang No. 2 sa likuran ng Pool A leader at defending champion National University papasok sa playoffs.
Ang top two teams ang papasok sa susunod na round kung saan hahatiin sa dalawang grupo para muling magharap sa single round robin sa event na suportado ng Shakey’s Pizza Parlor, GCash, Chery Tiggo, F2 Logistics, Peri-Peri Charcoal Chicken, Potato Corner, R and B Milk Tea at Summit Water.
Tinapos ng Lady Generals ang kanilang kampanya na walang panalo sa apat na laro.
Samantala, nagwagi sa unang laro ang Lyceum of the Philippines University kontra sa University of Perpetual Help System DALTA, 25-18, 25-15, 18-25, 25-22.