Warriors nagpaulan ng 28 tres sa Kings
SACRAMENTO, Calif. — Nagpaulan ang Golden State Warriors ng 28 three-point shots para talunin ang Sacramento Kings, 122-112, sa preseason game.
Dalawang beses kumonekta ang Warriors ng 27 tres sa nakaraang regular season kasama pa si Klay Thompson.
“I think almost all of them were good shots,“ sabi ni coach Steve Kerr na nakahugot kay Andrew Andrew ng pitong triples habang may anim si Buddy Hield, apat sina Jonathan Kuminga at De’Anthony Melton at tig-tatlo sina Stephen Curry at Lindy Waters III.
Wala na sa Golden State si Thompson na lumipat sa Dallas Mavericks.
“What I like about this team is, even though we’ve lost Klay, we’ve got more shooting depth,” ani Kerr. “We have more guys who can step in from one night to the next and make 3s. It’s going to be a big part of our team for sure.”
Samantala, nakatakdang labanan ng Los Angeles Lakers ang Milwaukee Bucks ngayon para sa kanilang preseason schedule.
Matapos ang Bucks ay sasagupain ng Lakers nina LeBron James at Anthony Davis ang Warriors sa Las Vegas at ang Phoenix Suns bilang bahagi ng kanilang six-game preseason slate ngayong buwan.
“Not an ideal preseason for us,” sabi ni Lakers first-year coach JJ Redick.
- Latest
