MANILA, Philippines — Pag-uusapan ang baseball at basketball sa Philippine Sportswriters Association (PSA) Forum ngayong umaga sa conference hall ng Rizal Memorial Sports Complex.
Tatalakayin ang paglahok ng Philippine baseball team sa XIV East Asia Baseball Cup at ang darating na East Asia Super League Home and Away Season 2 sa pang alas-10:30 ng umagang public sports program.
Makakasama ni Philippine Amateur Baseball Association (PABA) president Chito Loyzaga sina Secretary-General Pepe Munoz, ang PABA Director of Baseball for Team Philippines at head coach, at players Clarence Caasalan at Agon De Vera sa paglalahad ng kanilang pagsabak sa Baseball Cup sa Oktubre 29 hanggang Nobyembre 4 sa Clark, Pampanga.
Samantala, bibisita rin sina EASL CEO Henry Kerins at VP Business Development head Banjo Albano para pag-usapan ang second season ng regional meet na magsisimula bukas sa Mall of Asia Arena.
Ang PSA Forum ay inihahandog ng San Miguel Corporation, Philippine Sports Commission, Philippine Olympic Committee, MILO, Smart/PLDT at 24/7 app ArenaPlus.
Nasa live stream ang program via PSA Facebook fb.com/PhilippineSportswritersAssociation at isinasaere sa Radyo Pilipinas 2.