MANILA, Philippines — Kahandaan ng Philippine Memory Team ang masinsin na tatalakayin sa pagbabalik ng Tabloids Organization in Philippine Sports, inc. (TOPS) ‘Usapang Sports’ ngayon sa Rizal memorial Coliseum VIP Room.
Sasabak ang koponan sa Asian Open Memory Sports Championships sa Setyembre 27-28 sa Singapore Polytechnic.
Pangungunahan ni National Team Head coach Anne Bernadette “AB” Bonita, tumatayo ring pangulo ng Philippine Mind Sports Association (PMSA), ang mga panauhin sa lingguhang sports forum ganap na alas-10:30 ng umaga sa pagtataguyod ng Philippine Sports Commission, Behrouz Persian Cuisine at Pocari Sweat.
Makakasama niya at inaasahang magbibigay ng exhibition ang mga Nationals tulad nina Venir P. Manzalay III (11 year old), Jessica Raine A. Rellora (12 year old), Chelsea Anne B. Galamgam (11 year old), Charles Andrei B. Galamgam (14 year) at Angel Mikhail T. Sanchez (17 year old).
Inaasanyayahan ni TOPS president Beth Repizo-Meraña ng Pilipino Star Ngayon/PM Pang Masa ang mga miyembro at opisyal, gayundin ang mga sports enthusiast na makiisa sa talakayan na mapapanood din via live streaming sa TOPS usapang spoprts Facebook page at sa Channel 8 ng PIKO (Pinoy Ako) – ang pinakabagong network apps na libreng mada-download sa android phone