MANILA, Philippines — Matapos ang apat na kumperensya at pagtatala ng 17-28 win-loss record ay nagdesisyon ang Converge na sibakin si head coach Aldin Ayo kahapon.
Ginawa ito ng FiberXers bago ang Season 49 PBA Governors Cup na magbubukas sa Agosto 18.
“It was a mutually agreed decision for both parties to part ways,” sabi ni Converge team manager Jacob Lao. “We are thankful for their dedicated service to the team for almost two years.”
Si Franco Atienza ang hinirang na interim head coach matapos sumama kay Ayo si first assistant coach McJour Luib.
Sa kanyang termino ay naipasok ni Ayo, pumalit kay Jeffrey Cariaso, ang FiverXers sa dalawang quarterfinals appearances sa 2022-24 PBA seasons.