Finis naglaan ng cash incentives sa top swimmer ng Palaro
![Finis naglaan ng cash incentives sa top swimmer ng Palaro](https://media.philstar.com/photos/2024/07/20/download_2024-07-20_17-35-04.jpg)
MANILA, Philippines -- Sinuportahan kamakailan ng Finis Philippines ang Palarong Pambansa swimming competition sa Cebu City sa pamamagitan ng pagbibigay ng P50,000 cash incentives sa mga nagningning na swimmers sa elementary at secondary divisions.
Pinangunahan ng veteran internationalist na si Micaela Jasmine Mojdeh ang mga awardees na tumanggap ng eleganteng tropeo at cash incentives mula sa FINIS.
Hinirang si Mojdeh, isa ring FINIS brand ambassador na Most Oustandning Swimmer sa girls high school catagery makaraang magpalubong ng limang gintong medalya tampok ang isang national junior record.
Sinabi ni Finis Philippines managing director Vince Garcia na bukod sa cash incentives, ibinigay ng FINIS ang lahat ng kinakailangang kagamitan bilang bahagi ng pakikipagtulungan nito sa Department of Education (DepEd).
Sinimulan ng 18-anyos mula sa Parañaque City tanker ang kanyang ginintuang pagganap sa pamamagitan ng paghahari sa 200-meter butterfly event (2:19.72), na sinira ang kanyang sariling 2019 Palaro record na 2:22.69. Nanalo rin siya sa 200-m breaststroke (2:41.75), 200m Individual medley (2:26:68); 100m butterfly (1:03.83); at 400m Individual medley (5:12:18).
Tumatanggap din ng tropeo at tig-P10,000 cash sina Albert Jose Amaro (Boys secondary), Christian Isaiah Lagnason (Boys Elementary), at Sophia Rose Garra (Girls Elementary).
- Latest