MANILA, Philippines — Tiniyak ng Total Football Club ang kahandaan para sa pagdaraos ng 1st Mayor Ross Rizal Football Cup sa Hulyo 27 at 28 sa Inspire Sports Academy sa National University Laguna sa Calamba City.
Ito ang sinabi nina Calamba City Mayor Ross Rizal at Total FC team manager Jeremy Elgin Tancangco sa torneong magtatampok sa mga batang football players sa probinsya.
“This tournament will symbolize the vibrant spirit of Calamba City and its people and as a testament to our commitment to sports and youth development in our renewed Calamba (CalamBAGO),” ani Rizal.
Ang football cup ang magbibigay ng pagkakataon sa mga batang football players mula sa Calamba na ipakita ang kanilang talento na maaaring madiskubre ng mga scouts.
Ipinangalan sa City Mayor ng Calamba, ang Mayor Ross Rizal’s 1st Football Cup (COPA RIZAL) ay isang serye ng mga football matches na nagsisilbing ilaw ng kaunlaran sa local sports infrastructure, environmental milestones at reformed community engagement sa Calamba City.