Samoilenko ipaparada ng PLDT
MANILA, Philippines — Naghahanda na ang PLDT High Speed Hitters para sa pagsabak nito sa darating na Premier Volleyball League (PVL) 2024 Reinforced Conference.
Inihayag ng High Speed Hitters ang pagkuha nito kay Russian player Elena Samoilenko bilang import sa Reinforced Conference sa susunod na buwan.
Hindi naman na bago si Samoilenka sa High Speed Hitters dahil ito sa ikalawang pagkakataon na makakasama ng tropa ang Russian power hitter.
“We just loved Lena Samoilenko’s quiet intensity so much that we had to bring her back for another tour of duty with the PLDT High Speed Hitters in the upcoming 2024 PVL Reinforced Conference,” ayon sa PLDT.
Una nang sumabak si Samoilenko para sa High Speed Hitters noong 2022 Reinforced Conference kung saan nagrehistro ito ng impresibong 213 kabuuang puntos sa walong beses na paglalaro nito.
Galing si Samoilenko sa kampanya sa Kazakhstan.
Makakasama ni Samoilenko sa High Speed Hitters si Filipino-Canadian wing spiker Savi Davison na isa sa mga inaasahan ng kanilang tropa.
- Latest
