BOSTON — Ang isa sa mga naging susi ng Celtics sa kanilang 107-89 paggupo sa Dallas Mavericks sa Game One ng NBA Finals ay ang kanilang mga elite individual defenders na nagpatahimik kina scorers Luka Doncic at Kyrie Irving.
“What makes our team really special is we don’t have guys that we hide on defense,” sabi ni Boston guard Jayson Tatum. “Bigs and guards, we switch, we take on the challenge of individual defense, understanding that we have help. ... If you want to play on our team you have to be able to guard. And everybody knows that.”
Ang Celtics ang second-ranked defensive team sa season at ipinakita nila ito sa Mavericks sa kanilang best-of-seven championship series.
Tatlong panalo pa at makakamit na ng Boston ang NBA-record na ika-18 championship banner.
“I think it helps a lot throwing different guys at Doncic,” ani Boston defensive guard Jrue Holiday sa Slovenian scorer ng Dallas.
Pinuwersa rin ng Celtics ang mga perimeter shooters ng Mavericks sa 7-for-27 shooting sa three-point line kumpara sa kanilang ipinasok na 16 triples.
Sinandigan din ng Boston ang nagbabalik na si 7-foot-2 Kristaps Porzingis na umiskor ng 20 points sa una niyang laro matapos ang higit isang buwan na pagkawala dahil sa calf strain.
Nakatakda ang Game Two bukas.