Lady Blazers lider uli
MANILA, Philippines — Muling nasolo ng defending champions College of Saint Benilde Lady Blazers ang tuktok ng team standings matapos kalusin ang Mapua University Lady Cardinals, 25-19, 25-23, 25-8 sa NCAA Season 99 women’s volleyball na nilaro sa Filoil EcoOil Arena kahapon.
Kumana si Wielyn Estoque ng team-high 19 points upang tulungan ang Taft-based squad, CSB na ilista ang malinis na pitong panalo.
Tumulong sa opensa si Gayle Pascual habang walo ang kinana ni Jessa Dorog para sa Lady Blazers na ipinalasap sa Lady Cardinals ang pangatlong talo sa pitong laro.
Maganda ang inilaro ng Lady Cardinals sa third set pero kinapos pa rin sila sa tikas ng Lady Blazers.
“Lahat ginawa namin, nagtrabaho kami at masaya ako sa panalo namin,” ani Estorque.
Kumana sina Raissa Janel Ricablanca, Roxie Dela Cruz at Alyana Nicole Ong ng tig-pitong puntos para sa Mapua.
Samantala,nagwagi sa unang laro ang Arellano University Lady Chiefs kontra Perpetual Help Lady Altas, 22-25, 25-23, 25-19, 25-12.
- Latest
