Beermen nilasing ang Fiberxers

MANILA, Philippines — Nagpabugbog muna ang San Miguel sa first half bago resbakan ang Con­verge, 112-103, sa Sea­son 48 PBA Philippine Cup kahapon sa Philsports Arena sa Pasig City.

Bumangon ang Beermen mula sa isang 12-point de­ficit sa second period para iposte ang matayog na 6-0 record.

Lagapak naman ang Fi­berXers sa 0-8.

Tumipa si CJ Perez ng 25 points, 10 rebounds at 3 assists sa pagbandera sa San Miguel, habang may tig-19 at 18 markers sina Mar­cio Lassiter, Don Trolla­no at Terrence Romeo, ayon sa pagkakasunod.

Kumalawit si seven-time PBA MVP June Mar Fa­jardo ng 14 points, 17 boards at 4 blocks.

Nabalewala ang career-high 36 markers ni guard Alec Stockton para sa Converge.

Itinala ng FiberXers ang 34-22 bentahe mula sa da­lawang free throws ni Stockton sa pagbubukas ng second quarter patungo sa 50-43 halftime lead.

Pagdating sa third pe­riod ay nagsalpak si Las­siter ng limang three-point shots, ang huli ay nagbigay sa Beermen ng 69-58 abante sa 6:28 minuto nito.

Ipinoste ng SMB ang 25-point lead, 93-68, matapos ang triple ni 6-foot-8 Mo Tautuaa sa huling 33 se­gundo.