MANILA, Philippines — Nagsalpak si Amiel Acido ng 27 points para banderahan ang University of Perpetual Help sa 94-88 paggupo sa nagdedepensang Letran papasok sa Final Four ng NCAA Season 99 juniors basketball tournament kahapon sa Filoil EcoOil Centre sa San Juan City.
Nagdagdag din ang 19-anyos na forward ng 8 rebounds at 2 assists para sa 7-1 baraha ng Junior Altas.
Nagwakas naman ang five-game winning streak ng Squires t nadulas sa 6-2.
Ipinoste ng Perpetual ang 18-point lead, 77-59, sa pagbibida ni Acido sa third period bago nakadkit ang Letran sa 81-84 sa fourth quarter.
Ang putback ng 6-foot-3 na si Acido kasunod ang dalawang free throws ang muling naglayo sa Junior Altas sa Squires sa 88-81.
Kasama ng Perpetual sa pagpasok sa Final Four ang Letran at Mapua University (6-1).
Ito ay matapos ang 79-82 kabiguan ng San Beda (4-4) sa Jose Rizal Light Bombers (3-5).
Inagaw ng Emilio Aguinaldo College (3-5) ang 92-87 panalo sa Arellano (1-7).