SAN FRANCISCO — Humataw si Stephen Curry ng 32 points tampok ang anim na three-point shots para pamunuan ang Golden State Warriors sa 128-110 paggupo sa Lakers.
May walong assists din si Curry para sa kanyang pang-6,000 career assist.
Siya ang naging ika-walong player sa NBA history na tumipa ng 23,000 points at 6,000 assists bukod kina LeBron James, Russell Westbrook, Kobe Bryant, James Harden, Oscar Robertson, Jerry West at John Havlicek.
Nag-ambag si Andrew Wiggins ng 20 points para sa Golden State (28-26) kasunod ang 12 markers ni Jonathan Kuminga.
Hindi naman naglaro si James sa panig ng Los Angeles na nakahugot kay Anthony Davis ng 27 points at 15 rebounds, samantalang nagdagdag si D’Angelo Russell ng 18 points, 9 assists at 5 rebounds.
Sa Sacramento, humakot si Domantas Sabonis ng 22 points, 11 assists at 11 rebounds para sa kanyang NBA-leading 19th triple-double sa 127-122 panalo ng Kings (32-23) sa San Antonio Spurs (11-45).
Sa Denver, kumolekta si Nikola Jokic ng triple-double na 21 points, 19 boards at 15 assists sa 130-110 paggupo ng nagdedepensang Nuggets (37-19) sa Washington Wizards (9-46).