MANILA, Philippines — Nasikwat ni June Mar Fajardo ng San Miguel Beer ang unahan sa PBA MVP race, habang liyamado si Stephen Holt ng Terrafirma sa Rookie of the Year award matapos ang Season 48 Commissioner’s Cup.
Nakakolekta ang seven-time MVP ng 40.9 statistical points (SPs) sa likod ng kanyang 16.2 points, league-best 2.0 rebounds, 2.3 blocks at 1.1 steals.
Nahuhuli pa si Fajardo dahil sa hand injury sa karera mula sa elimination round hanggang semifinals nang makapaglaro lang ng siyam mula sa 15 games para sa 60% games played a malayo sa required na 70% upang maging eligible sa individual award.
Subalit nakahabol si Fajardo sa finals nang sumalang sa anim na laro tungo sa 4-2 series win ng SMB kontra sa Magnolia para maaabot ang 70% na requirement at maging eligible sa MVP derby.
Nakabuntot si Christian Standhardinger ng Barangay Ginebra na naglista ng 35.7 SPs sa likod ng 16.5 points, 9.9 rebounds at 5.0 assists na average.
Nakasunod naman sina Commissioner’s Cup BPC CJ Perez (35.4 SPs) ng SMB at Arvin Tolentino (35.1 SPs) ng NorthPort.