East nirapido ang West sa NBA All-Star Game
![East nirapido ang West sa NBA All-Star Game](https://media.philstar.com/photos/2024/02/19/1_2024-02-19_20-28-33.jpg)
INDIANAPOLIS — Inilampaso ng Eastern Conference team ang Western Conference squad, 211-186, tampok ang 39 points ni Milwaukee guard Damian Lillard sa 73rd NBA All-Star Game.
Kumonekta ang Three-Point Shootout back-to-back champion ng game-high 11 triples para sa East na sinira ang All-Star Game one-team record na 196 points na naitala ng West noong 2016.
May 36 markers si Jaylen Brown ng Boston Celtics mula sa bench kasunod ang 32 points ni Indiana Pacers superstar Tyrese Haliburton.
Humataw si Karl-Anthony Towns ng Minnesota Timberwolves ng game-high 50 points sa panig ng West na nakahugot ng 31 markers kay Shai Gilgeous-Alexander ng Oklahoma City Thunder.
Tumipa si Los Angeles Lakers superstar LeBron James, ang four-time NBA champion at four-time NBA Most Valuable Player, ng 8 points, 4 rebounds at 3 assists para sa West sa kanyang record 20th All-Star appearance sa edad na 39-anyos.
Isinalpak ni Lillard ang isang mid-court shot sa 6:54 minuto sa third quarter na bahagi ng 16-4 atake ng East para isara ang nasabing yugto bitbit ang 160-136 kalamangan kontra sa West.
Isa pang tres ang ipinasok ni Haliburton, kumonekta ng 10 triples, para sa pagtatala ng East ng 200 points sa huling 8.7 segundo ng fourth quarter.
- Latest