MANILA, Philippines — Magtutuos ang Choco Mucho at Chery Tiggo sa posibleng preview ng Final Four ng Premier Volleyball League All-Filipino Conference.
Magkikita ang Flying Titans at Crossovers ngayong alas-6 ng gabi matapos ang upakan ng mga sibak nang Nxled Chameleons at Farm Fresh Foxies sa alas-4 ng hapon sa San Agustin Gymnasium sa Iloilo City.
Pasok na sa semifinal round ang Creamline (9-0), Choco Mucho (9-1) at Chery Tiggo (8-3), habang ang ikaapat na silya ay pinag-aagawan ng Cignal HD (7-3), PLDT Home Fibr (6-4) at Petro Gazz (6-4).
Nasa eight-game winning streak ang Flying Titans kontra sa Crossovers.
Inaasahang makukuha ng Choco Mucho at Chery Tiggo ang No. 2 at No. 3 berths sa semis.