Bacoor iniskoran ang Negros sa MPVA
MANILA, Philippines – Pinabagsak ng Bacoor City Strikers ang Negros Blue Hawks, 17-25, 23-25, 25-16, 25-20, 16-14, para sa kanilang unang home victory sa MPVA tournament sa Bacoor Strike Gymnasium.
Pumalo sina reigning NCAA MVP Mary Rhose Dapol at Charmaine Ocado ng tig-18 points para pangunahan ang Bacoor City Strikers team.
Kinuha ng Negros Blue Hawks ang 2-0 kalamangan matapos manalo sa first at second set bago agawin ng Bacoor City Strikers ang sumunod na tatlong frame para agawin ang panalo.
Hindi nakita sa aksyon si ace spiker, Shaila Omipon para sa Bacoor City Strikers.
Nakatakda nilang labanan kagabi ang Biñan Tatak Gel.
Humataw naman si Angel Habacon ng 21 points sa panig ng Negros Blue Hawks kasunod ang 11 markers ni Gelah Lopez sa MPVA na inihahandog ng Xtreme appliances kasama ang Mikasa, ang official ball, ASICS, ang official shoes at XIV, ang official uniform ng MPVA na isinasaere sa PLUS Network at sa MPTV sa Cignal Channel 98 at sa Pilipinas Live app.
- Latest
