Go magiging superstar ng Dyip
MANILA, Philippines — Noong 2019 special Gilas Pilipinas draft ay pinili siya ng Terrafirma bilang No. 1 overall pick.
Ngunit dahil sa anterior cruciate ligament (ACL) injury sa kanang tuhod ay hindi siya nakalaro sa nakaraang PBA season kung saan maagang nasibak ang Dyip.
Sa pagsabak ng 6-foot-7 na si Go sa kasalukuyang PBA On Tour ay nakikita ni Terrafirma coach Johnedel Cardel ang potensyal ng dating sentro ng Ateneo Blue Eagles.
“Iyong speed niya wala pa. But the talent is there, the shooting is there,” obserbasyon ni Cardel sa three-time UAAP champion. “Kapag nakuha niya iyon, I think Isaac will be a superstar in the PBA.”
Naging miyembro siya ng Gilas Pilipinas na sumabak sa 30th Southeast Asian Games kung saan isinuko ng koponan ang gold medal sa Indonesia.
Sa 107-102 panalo ng Dyip sa Meralco Bolts noong Linggo ay humataw ang 27-anyos na si Go ng 11 points at 5 rebounds sa kanyang pagbabalik sa hardcourt.
May 3-3 record ang Terrafirma sa preseason tournament ng liga na magbabalik sa Oktubre para sa 2023 Commissioner’s Cup.
- Latest
