Gandler papalo sa Cignal

MANILA, Philippines — Nabangasan na naman ang lineup ng Ateneo de Manila University matapos lisanin ni outside hitter Vanie Gandler ang pu­gad ng Blue Eagles para mag­laro sa professio­nal league.

Pormal nang inihayag ng Cignal HD Spikers ang pagpasok ng 5-foot-9 wing spiker sa kanilang kampo para maglaro sa Premier Volley­ball League.

Dahil dito ay hindi na maglalaro si Gandler sa su­­sunod na edisyon ng UAAP women’s volleyball tournament.

“As I enter a new phase of my life after college, I’m more than excited to join a volleyball team such as the Cignal HD Spikers,” wika ni Gandler.

Nagpasalamat si Gandler sa mainit na pag­tang­gap sa kanya ng HD Spikers management partikular na ng coaching staff.

“The players, coaching staff, and management more than welcomed me into the fold and I’m looking forward to performing to the best of my abilities to help bring Team Awesome to a higher level,” ani Gandler.

Umaasa si Gandler na magkakaroon ng ma­gandang resulta ang panibagong direksiyon na kanyang tatahakin.

Tumapos lamang sa ika­anim na puwesto ang Ateneo sa nakalipas na UAAP Season 85 wo­men’s volleyball tournament mula sa 4-10 marka.

“Here’s to starting new beginnings and getting out of my comfort zone,” ani Gandler.

Si Gandler ang ikalawang player ng Ateneo na umalis matapos mag-goodbye ni top scorer Faith Nisperos.