‘Splash Brothers’ hindi nakaporma kay Nembhard
SAN FRANCSICO, Philippines — Pinasiklaban ni rookie Andrew Nembhard ang ‘Splash Brothers’ sa kanilang home court.
Kumamada si Nembhard ng season-high na 31 puntos sahog ang 13 assists at walong rebounds para pangunahan ang Indiana Pacers sa 112-104 tagumpay laban sa nagdedepensang kampeon Golden State Warriors.
Pumukol ang second-round draft pick na si Nembhard ng krusyal na tres may 4.26 minuto na lang bago sinundan ng isa pang jumper na naglagay sa Pacers sa kampanteng katayuan.
Sa Dallas, umiskor si Luka Doncic ng 33 puntos habang nagdagdag si Spencer Dinwiddie ng 21 puntos at napanatili ng Mavericks ang malaking kalamangan tungo sa 130-111 paglusaw sa Phoenix Suns.
Sa Atlanta, pinataob ng Oklahoma City Thunder ang Hawks, 121-114 sa likod ng 35 puntos ni Shai Gilgeous-Alexander.
- Latest
