Ready na Ang Gilas

Sa pagsagupa sa Jordan sa 5th window ng qualifiers

MANILA, Philippines — Handang-handa na ang G­ilas Pilipinas para sa kanilang bakbakan ng host Jor­dan sa fifth window ng FIBA World Cup Asian Qualifiers bukas ng gabi sa Prince Hamza sa Amman, Jordan.

Nakatakda ang salpukan ng Pilipinas at Jordan sa alas-7 ng gabi (alas-12 ng hatinggabi sa Maynila).

Kumpleto na ang Gilas Pilipinas sa Amman kung sa­an sumalang kaagad sila sa ensayo para matiyak na handa sila bago su­mabak sa laban.

Ipaparada ng Gilas Pi­li­­pinas sina Kai Sotto ng Ade­laide 36ers, reigning PBA MVP Scottie Thompson kasama sina Ginebra teammates Japeth Aguilar at Jamie Malonzo at San Mi­guel standout CJ Perez.

Hahataw rin sina Japan B.League imports Bobby Ray Parks, Thirdy Ravena at Dwight Ramos gayundin sina naturalized player An­gelo Kouame ng Ate­neo, Ke­vin Quiambao ng La Salle at sina RR Pogoy, Cal­­vin Oftana at Poy Erram ng TNT Tropang Giga.

Parehong may 3-3 re­cord ang Pilipinas at Jor­dan.

Nagmula ang Gilas Pi­lipinas sa 84-46 panalo la­ban sa Saudi Arabia sa fourth window ng qualifiers noong Agosto 29 na gi­nanap sa Mall of Asia Are­na sa Pa­say City.

Kasama noon sa lineup si NBA star Jordan Clarkson ng Utah Jazz.

Sa kabilang banda, ga­ling naman ang Jordan sa 72-100 pagyuko sa New Zealand sa labang ginanap sa Auckland, New Zealand noon ring Agosto 29.

Mangunguna sa panig ng Jordan sina Amin Abu Hawwas at Dar Tucker na top scorers ng kanilang tro­pa sa huling laro.

Gumawa si Hawwas ng 19 points, 2 rebounds, 3 assists at 2 steals kontra sa New Zealand.

Nagparamdam rin si Tucker na may double-double na 19 points at 12 boards para sa Jordan.

Makakatuwang ng da­lawa sina Haskem Abbas, Zaid Abbas at Ahmad Alhamarsheh para pigilan ang atake ng Gilas squad.

Matapos ang Jordan ay sunod na makakasagupa ng mga Pinoy ca­gers ang Saudi Arabia sa Nobyembre 13 (Nobyembre 14 ng madaling araw sa Maynila) sa Saudi Arabia.