San Beda Red Lions reresbak

MANILA, Philippines — Puntirya ng San Beda na makabalik sa porma sa pagsagupa sa Emilio Aguinaldo College sa NCAA Sea­son 98 men’s basketball tournament sa The Are­na sa San Juan City.

Sasagupain ng Red Lions ang Generals ngayong alas-3 ng hapon matapos ang laro ng Perpetual Help Altas at Mapua Cardinals sa alas-12 ng tanghali.

Lumagapak sa No. 5 spot ang San Beda matapos lumasap ng 72-75 overtime loss sa Perpetual Help noong Sabado.

Kaya naman gigil ang Red Lions na muling ma­kabalik sa porma para ma­patatag ang tsansang makapasok sa Final Four.

Aasahan ng San Beda sina Peter Alfaro at JB Ba­hio na umiskor ng tig-14 points sa kanilang huling laro at si Yukien Andrada na may 13 markers.

Kailangang mag-ingat ng San Beda lalo pa’t ma­init rin ang EAC na sinor­pre­sa ang nangungunang College of Saint Benilde noong nakaraang Linggo.

Nasa ilalim ang Gene­rals sa standings.