Dela Cruz, Cavite wagi sa FINIS meet

MANILA, Philippines — Nagningning sina T­hanya Dela Cruz at Czarina Cavite ng Davao Del Norte sa 2022 FINIS Short Course Swimming National Finals na ginanap sa Olympic-sized New Clark Aquatics Center sa Capas, Tarlac kahapon.

Nagreyna si Dela Cruz sa girls 19-over 100m breaststroke sa bilis na 1:14.16 kontra kina Adriana Yulo ng Iloilo Tiger Shark Swim Team (1:22.65) at Danielle Patricia Valen­zuela ng Megakraken Swim Team (1:28.54).

Sa kabilang banda, hataw si Cavite ng DavNor Blue Marlins Swim Team sa tatlong events sa girls 9-10 kung saan nanguna ito sa 100m IM (1:28.83), 100m butterfly ( 1:32.29) at 50m freestyle (35.41).

“Masayang masaya po ako. Talagang pinagbutihan ko po para sa aking team, kay coach at sa mga sponsors namin,” ani Cavite.

Masaya si FINIS Ma­naging Director Vince Garcia sa matagumpay na pagdaraos ng torneo.

“Sobrang saya namin. Yung makita mo lang na maraming kabataang swimmers ang nabibigyan mo ng tsansa na mag-excell, sapat na para sa pinagpaguran namin. Hindi tayo natatapos dito,” ani Garcia.

Wagi rin ng ginto sina Benito De Mesa ng Aqua sa boys 7-8 10-m Individual Medley (1:58.99); Albyn Martin ng North Cotabato sa boys 9-10 IM (1:27.83); Arriana Cesista ng Thresher Shark isa girls 7-8 100-m IM (1:44.60); at Daniel Ocampo ng Dax Swim sa boys 11-12 100-m IM (1:13.02).