Obiena target ang medalya sa World Athletics Championships
MANILA, Philippines — Ito na ang pagkakataon ni World No. 6 Ernest John Obiena na makagawa ng kasaysayan bilang kauna-unahang Pinoy na nanalo ng medalya sa World Athletics Championships.
Sasalang si Obiena sa pole vault finals ngayong araw kaharap ang mga world champions at Olympians sa Eugene, Oregon.
“Normally I only get to thank people when I win. Well for me, being here in Eugene, set to compete in the final of World Championships is already a big win,” ani Obiena.
Umabante ang Asian record-holder at Southeast Asian Games gold medalist sa top 12 matapos lumundag ng 5.75 meters sa qualification phase noong Sabado.
Malaki ang tsansa ni Obiena sa medalya kung muli niyang maitatala ang kanyang Asian record na 5.93m sa 2021 Golden Roof Challenge sa Innsbruck, Austria.
“After all of the things that have happened, from missing my supposed to be first World Indoor Championship earlier this year, to contracting COVID-19 a few weeks back, we are here,” dagdag ng 26-anyos na Pinoy pride.
Kasama sa grupo sina Tokyo Olympic champion at world record-holder Armand Duplantis ng Sweden, Olympic silver medalist at World No. 2 Christopher Nilsen ng US at Olympic bronze medal winner Thiago Braz ng Brazil.
Nasa finals rin sina Germans Oleg Zernikel at Bo Kanda Lita Baehre, Belgian Ben Broeders, Turk Ersu Sasma, French Renaud Lavillenie, Norweigians Pal Haugen Lillefosse at Sondre Guttormsen at Dutch Menno Vloon.
- Latest