Aces lilisanin na ang PBA wala PA ring tatalo sa Alaska!
MANILA, Philippines — Tuluyan nang lilisanin ng Alaska Aces ang Philippine Basketball Association (PBA) matapos ang tatlong dekadang pagsabak nito sa liga.
Nalungkot ang basketball community kahapon matapos ihayag ng Alaska management ang pamamaalam nito sa PBA.
Maningning ang kampanya ng Aces sa PBA.
Matatandaang una itong sumalang noong 1986 kung saan naramdaman ng husto ang kanilang puwersa noong dekada 90.
Umukit ng bahagi sa kasaysayan ang Aces nang makumpleto nito ang impresibong Grand Slam noong 1996 season — All FIlipino, Commissioner’s Cup at Govenornors’ Cup.
Minanduhan ang tropa ni dating Aces mentor Tim Cone.
Sa kabuuan, may 14 kampeonato ang Alaska sa liga. Pinakahuli noong 2013 Commissioner’s Cup.
Inamin ni Alaska chairman Wilfred Uytengsu na hindi naging madali ang padedesisyon nito lalo pa’t naging malaking bahagi na ito ng kanilang buhay.
“We thought long and hard before making this final decision. However, we believe that this will allow us to focus our resources on providing affordable nutrition for Filipino families,” ani Uytengsu.
Wala pang linaw kung may kumpanyang nais sumalo sa prangkisa ng Alaska sa PBA.
Sakaling walang bagong team owner ang Aces, madi-disband ang team kung saan ikakalat ang mga players nito sa iba’t ibang teams sa pamamagitan ng draft.
“The Aces franchise will always be very special to me. I had the good fortune of starting this franchise at the age of 24 and learning so much about team dynamics and building championships from the players and coaching staff,” ani Uytengsu.
Kabilang sa mga kilalang players ng Alaska sina Johnny Abarrientos, Bogs Adornado, Kenneth Duremdes, Abet Guidaben, Jojo Lastimosa, Jeffrey Cariaso, Sean Chambers, Willie Miller, LA Tenorio, Tony Dela Cruz, Poch Juinio, JV Casio, Sonny Thoss, Dondon Hontiveros, Cyrus Baguio, Mike Cortez, Ali Peek at Calvin Abueva.
- Latest
