MANILA, Philippines — Hindi lamang ang mga basketball at volleyball players ang hinuhugot ng Japan sa Pilipinas kundi maging ang mga women football players.
Sinabi ni Philippine national women’s football team coach Marlon Maro na inaasahan niyang may mga susunod pa kina Pinay booters Sarina Bolden at Quinley Quezada na maglalaro sa Japan WE League.
“I think next season, we’re expecting more Filipinas playing in Japan,” wika ni Maro.
Si Bolden ay naglalaro para sa WE League club team na Chifure AS Elfen Saitama habang si Quezada ay nasa United Chiba.
Ang WE League ay may 11 club teams sa kanilang inaugural season at lolobo pa ang bilang ng mga ito sa pamamagitan ng promotion mula sa semi- professional Nadeshiko League.
Naging posible ang paglalaro nina Bolden at Quezada sa WE League teams dahil sa Japan Football Association (JFA) na nag-aalok ng financial aid sa mga football clubs na humuhugot ng mga players mula sa Southeast Asia.
Naglalaro na sa Japan B.League ang walong Pinoy cagers sa pamumuno nina Kiefer Ravena (Shiga Lakestars) at Thirdy Ravena (San-en NeoPhoenix)