Isang laban sa Las Vegas nakansela
Manager nagpositibo sa COVID-19
MANILA, Philippines — Nakansela ang bakbakan nina Jose Pedraza at Mikkel Les Pierre matapos magpositibo sa coronavirus disease (COVID-19) ang isa sa miyembro ng coaching staff.
Dismayado ang dalawang boksingero nang malamang positibo sa COVID-19 si Jose Taveras na manager ni Les Pierre.
Awtomatikong kinakansela ang laban sa tuwing may nadidiskubreng positibo sa coronavirus disease base na rin sa mahigpit na patakarang ipinatutupad ng Nevada State Athletic Commission.
“My manager, Jose Taveras, tested positive for COVID-19. Due to the rules and regulations set forth by the Nevada State Athletic Commission, I will be unable to fight tonight as scheduled against Jose Pedraza,” ani Les Pierre.
Umaasa si Les Pierre na matutuloy ang laban sa ibang petsa sa oras na magkaroon na ng clearance ang lahat ng miyembro ng coaching staff ng magkabilang kampo.
“I apologize to Jose and his team for any inconvenience this caused. He is a great boxer, and I hope we can reschedule the fight as soon as possible,” wika ni Les Pierre.
Bahagi lang aniya ito ng pagsubok na hindi maiiwasan.
“I am devastated. This was my opportunity to showcase my talent to the world, but everything happens for a reason. This is just another roadblock in my story,” ani Les Pierre.
Humingi naman ng paumanhin si Taveras sa pagkakaantala ng laban.
Maituturing na asymptomatic si Taveras dahil wala itong nararamdamang kakaiba sa kanyang katawan.
- Latest
